Казатомпромын Акбастау хамтарсан үйлдвэрийн газар доор уусган олборлох үйл ажиллагаа (Зураг: Казатомпром)

Казахстаны үндэсний атомын Казатомпром компани хүхрийн хүчлийн хүртээмж, шинээр ашиглалтад орсон ордуудын барилгын ажил удаашралтай байгаа зэрэг хүчин зүйлсээс шалтгаалан 2024 оны үйлдвэрлэлийн төлөвлөгөөндөө өөрчлөлт оруулахаар төлөвлөж байгаа хэдий ч энэ онд нийлүүлэх үүргээ биелүүлэхээр олборлолтоо хэвийн үргэлжлүүлж байна гэв.

2022 оны 8-р сард Казатомпром компани 2024 оны ураны олборлолтоо газрын хэвлийн ашиглалтын гэрээтэй уялдуулан 90%-д хүргэхээр төлөвлөж байгаагаа мэдэгдсэн бөгөөд энэ нь 2023 онд газрын хэвлийн гэрээтэй уялдуулан 80%-т хүргэхээр төлөвлөсөн олборлолтын хэмжээнээс 2000-3000 тонноор нэмэгдэж байгаа юм. Энэхүү шийдвэр нь шинээр болон одоо байгаа харилцагчидтай байгуулсан дунд, урт хугацааны гэрээнүүдэд үндэслэсэн бөгөөд эрэлт, нийлүүлэлтийг харгалзан тус компани 2018 оноос эхлэн олборлолтоо бууруулахаар 2017 онд шийдвэрлэснээс хойш газрын хэвлийн гэрээтэй харьцуулахад олборлолтын хамгийн өндөр хэмжээ байх байсан аж.

Дэлхий нийтээр үүссэн ураны нийлүүлэлттэй холбоотой сорилтууд болон олборлолтын үеийн зарим үндсэн үйл ажиллагааны материал, химийн бодис урвалжуудын тасалдалт зэрэг нь төлөвлөсөн үйлдвэрлэлийн өсөлтөд эрсдэл учруулж буйг тус компани цохон тэмдэглэсэн байна.

Хөдөө аж ахуй, аж үйлдвэрийн аж ахуйн нэгжүүдийн эрэлт нэмэгдэж, дотоодын болон гадаад бүс нутгийн зах зээлд хомсдол үүсэж байгаа тул ханган нийлүүлэгчидтэй хийсэн урьдчилсан хэлэлцээрийн дүнд 2024 онд ураны олборлолтод шаардлагатай хүхрийн хүчлийн хэмжээ багассан гэж Казатомпром өнөөдөр мэдэгдэв. Ураныг газар доор уусган олборлох үйл ажиллагаандаа исэлдүүлэгч болгон ашигладаг хүхрийн хүчлийн өөр нийлүүлэлтийн эх үүсвэрийг "идэвхтэй эрэлхийлж" байгаа боловч одоогийн төсөөллөөс харахад олборлолтын төлөвлөсөн түвшиндээ хүрэх нь “хэцүү" байж магадгүй аж.

Дээрх нөлөөллийг үнэлэн энэ оны 2 дугаар сарын 1 гэхэд Казатомпром компани дараагийн улирлын арилжааны мэдээнд дэлгэрэнгүй оруулах бөгөөд асуудал энэ жилийн турш үргэлжилбэл 2025 оны үйлдвэрлэлийн төлөвлөгөөнд ч нөлөөлөх магадлалтай гэж мэдэгджээ.

Эх сурвалж: https://www.world-nuclear-news.org/Articles/Supply-chain-issues-prompt-Kazatomprom-to-adjust-p