Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Сургалт

Ахлах ангийн сурагчдад сургалт зохион байгууллаа

Ахлах ангийн сурагчдад сургалт зохион байгууллаа

Нийслэлийн ерөнхий боловсролын 44 дүгээр сургуулийн ахлах ангийн сурагчдад “Цөмийн технологийн хэрэглээ, цацрагийн аюулгүй байдал” сэдэвт сургалтыг Нийслэлийн мэргэжлийн хяналтын газартай хамтран 2017 оны 10 дугаар сарын 23-ны өдөр зохион байгууллаа. Сургалтад тус сургуулийн 9, 12 дугаар ангийн нийт 90 сурагч хамрагдлаа.

Сургалтаар ионжуулагч цацрагийн тухай үндсэн ойлголт, цөмийн технологийн хэрэглээ, дэлхийн чиг хандлага, Монгол Улсын эрүүл мэнд, хүнс хөдөө аж ахуй, аж үйлдвэр, уул уурхай, судалгаа, шинжилгээний салбар дахь цөмийн технологийн хэрэглээ болон цацрагийн хамгаалалт, аюулгүй байдлын талаар хичээл зааж, мэдлэг олголоо.

Мөн сурагчдын сонирхсон асуултад хариулж, цөмийн технологич, цөмийн физикчийн мэргэжлийг сонгосон тохиолдолд Монгол Улсад ямар байгууллагад ажиллаж болох, мэдлэг боловсролоо хэрхэн дээшлүүлж, мэргэшсэн боловсон хүчин болох боломж байгаа талаар мэдээлэл өгсөн нь сурагчдын сонирхлыг ихээхэн татаж байлаа.