Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Сургалт

Нийслэлийн ерөнхий боловсролын 87 дугаар сургуулийн ахлах ангийн сурагч нарт сургалт зохион байгууллаа

Нийслэлийн ерөнхий боловсролын 87 дугаар сургуулийн ахлах ангийн сурагч нарт сургалт зохион байгууллаа

Нийслэлийн ерөнхий боловсролын 87 дугаар сургуулийн физикийн багш нараас ирүүлсэн хүсэлтийн дагуу тус сургуулийн ахлах ангийн сурагчдад “Цөмийн технологийн хэрэглээ, цацрагийн аюулгүй байдал” сэдэвт сургалтыг Нийслэлийн мэргэжлийн хяналтын газартай хамтран 2017 оны 10 дугаар сарын 18-ны өдөр зохион байгууллаа. Сургалтад тус сургуулийн 10-12 дугаар ангийн 3 бүлгийн 50 гаруй сурагч хамрагдлаа.

Сургалтаар ионжуулагч цацрагийн тухай үндсэн ойлголт, цөмийн технологийн хэрэглээ, дэлхийн чиг хандлага, Монгол Улсын эрүүл мэнд, хүнс хөдөө аж ахуй, аж үйлдвэр, уул уурхай, судалгаа, шинжилгээний салбар дахь цөмийн технологийн хэрэглээ болон цацрагийн хамгаалалт, аюулгүй байдлын талаар мэдээлэл хийсэн. Мөн цөмийн технологич, цөмийн физикчийн мэргэжлийг сонгосон тохиолдолд Монгол Улсад ямар байгууллага, аж ахуй нэгжид ажиллаж болох, мэдлэг боловсролоо гадаад оронд дээшлүүлж хэрхэн мэргэшсэн боловсон хүчин болох боломж байгаа талаар мэдээлэл өгсөн нь сургалтад хамрагдсан сурагчдын сонирхлыг ихээхэн татаж байлаа.