Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

“Дисковер Монголия” олон улсын уул уурхайн хөрөнгө оруулагчдын 15 дахь удаагийн форумд оролцлоо

“Дисковер Монголия” олон улсын уул уурхайн хөрөнгө оруулагчдын 15 дахь удаагийн форумд оролцлоо

Монголын уул уурхайн үндэсний ассоциацаас 2003 оноос эхлэн жил бүр зохион байгуулдаг “Дисковер Монголия” олон улсын уул уурхайн хөрөнгө оруулагчдын форум 09 дүгээр сарын 07-08-ны өдрүүдэд амжилттай болж өндөрлөлөө. Энэ жилийн форумыг Уул уурхай хүнд үйлдвэрийн яам, Эрдэнэс Монгол ХХК-иуд хамтран зохион байгуулж “Оюу Толгой” ХХК, “Эрдэнэ Ресурс Девелопмент Корп” ХХК, “Максам эксплосивс” ХХК, “Майн Инфо” ХХК, “Степпе Голд” ХХК-иуд ерөнхий ивээн тэтгэгчээр ажилласан юм.

Энэ жилийн хувьд цацраг идэвхт ашигт малтмалын хайгуул, олборлолт, ураны нөөц, хэрэгцээ, Европын Комиссоос Монголд улсад хэрэгжүүлж буй төслүүд, цацрагийн аюулгүй байдалтай холбоотой дүрэм журмын талаар анх удаагаа оролцогчдод мэдээлэл өгсөн нь онцлог боллоо. 

Форумд Олон улсын атомын энергийн агентлагийн ураны нөөцийн мэргэжилтэн др.Адриенне Ханли “Ураны эрэлт ба нийлүүлэлт” сэдвээр, Европын Холбооны шинжээч, “Ай Эй Эф цацраг идэвхт бодисын аюулгүй байдлын лаборатори”-ийг үүсгэн байгуулагч др.Кристиан Кунзе Европын Комиссоос Монгол Улсад хэрэгжүүлж буй төслүүдийн талаар “Ураны олборлолт бодлого болон аюулгүй байдал: Бодлого сайжруулах, чадавхыг бэхжүүлэх нь” сэдвээр, Цөмийн энергийн комиссын Ажлын албаны Цөмийн аюулгүй байдлын бодлогын газрын дарга Э.Нямдаваа “Монгол Улсын цацрагийн хамгаалалт, аюулгүй ажиллагааны норм, дүрэм” сэдвээр тус тус илтгэл тавьж оролцлоо.

 

Зураг 1. Олон улсын атомын энергийн агентлагийн ураны нөөцийн мэргэжилтэн Др.Адриенне Ханли “Ураны эрэлт ба нийлүүлэлт” сэдвээр илтгэл тавьлаа.

 

  Зураг2. Европын Холбооны шинжээч, “Ай Эй Эф цацраг идэвхт бодисын аюулгүй байдлын лаборатори”-ийг үүсгэн байгуулагч Др.Кристиан Кунзе “Ураны олборлолт бодлого болон аюулгүй байдал: Бодлого сайжруулах, чадавхыг бэхжүүлэх нь” сэдвээр илтгэл тавьлаа.

 

Зураг 3. Цөмийн энергийн комиссын Ажлын албаны Цөмийн аюулгүй байдлын бодлогын газрын дарга Э.Нямдаваа “Монгол Улсын цацрагийн хамгаалалт, аюулгүй ажиллагааны норм, дүрэм” сэдвээр илтгэл тавьлаа.