2020-2021 хичээлийн жилд ОХУ-ын Засгийн Газрын ирүүлсэн тэтгэлэгт хуваарийн дагуу оросын их дээд сургуулиудад үнэ, төлбөргүй суралцахаар сонгон шалгаруулалтанд оролцох хүсэлтэй хүмүүсийг 2020 оны 03 дугаар сарын 14-ний өдөр хүртэл бүртгэж байна. Дэлгэрэнгүй мэдээллийг Улаанбаатар дахь Оросын шинжлэх ухаан, соёлын төвийн вэб хаягаас авна уу.  (2020-03-09 08:46:00)

Гадаад мэдээ

Бангладеш Улс дахь анхны ЦЭХС-ыг барих санхүүжилтийн 90 хувийг ОХУ хийнэ

Бангладеш Улс дахь анхны ЦЭХС-ыг барих санхүүжилтийн 90 хувийг ОХУ хийнэ

“Бангладеш  Улсад 12.65 тэрбум ам.долларын өртгөөр баригдах анхны “Руппур” ЦЭХС-ын төслийн нийт зардлын 90%-ийг ОХУ санхүүжүүлэх бөгөөд зээлийн хугацаа нь 28 жил байна, түүнээс 10 жил нь төлбөрөөс чөлөөлөгдөх нөхцөлтэй” хэмээн Бангладеш улсын Шинжлэх ухаан, технологийн яамны сайд Камрул Ислам Бхиан “Ройтер” агентлагт өгсөн ярилцлагадаа мэдээлжээ.

Мөн тус улсын Сангийн Сайд Абул Маал Абдул Мухитын тэмдэглэснээр “Барилгын суурийн ажлыг 2016 оны эхээр тавихаар төлөвлөж байна,
энэ төсөл нь тус улсын хувьд эрчим хүчний салбарын хамгийн том нь байх болно” хэмээжээ.

Бангладешийн анхны “Руппур” ЦЭХС барихад хамтран ажиллах тухай ОХУ, Бангладеш Улсын Засгийн газар хоорондын хэлэлцээрт 2011 оны 11 дүгээр сард гарын үсэг зурсан байна.

Эх сурвалж: http://www.atomic-energy.ru