Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Монгол Улсын Олон улсын аюулгүй байдал, цөмийн зэвсэггүй статусын тухай НҮБ-ын тогтоол батлагдлаа

Монгол Улсын Олон улсын аюулгүй байдал, цөмийн зэвсэггүй  статусын тухай НҮБ-ын тогтоол батлагдлаа

Монгол Улсаас санаачлан НҮБ-ын Ерөнхий ассамблейн 69 дүгээр чуулганд өргөн барьсан "Монгол Улсын Олон улсын аюулгүй байдал,цөмийн зэвсэггүй статус" тогтоолын төслийг чуулганы улс төр, аюулгүй байдлын асуудлаарх нэгдүгээр хорооны 2014 оны 10 дугаар сарын 31-ний өдрийн хуралдаанаар хэлэлцэж, нийтийн зөвшилцлөөр, санал хураалтгүйгээр батлав.

Тогтоолд цөмийн зэвсэггүй статусаа урагшлуулах чиглэлээр Монгол Улсаас авч хэрэгжүүлж ирсэн арга хэмжээнүүдийг сайшаахын зэрэгцээ, Монгол Улсын тусгаар тогтнол, бүрэн эрхт байдал, хил хязгаарын халдашгүй дархан байдал, бие даасан гадаад бодлого, эдийн засгийн аюулгүй байдал, экологийн тэнцвэрт байдал болон цөмийн зэвсэггүй статусыг бэхжүүлэхэд Монгол Улстай үргэлжлүүлэн хамтран ажиллахыг НҮБ-ын гишүүн орнуудад уриалж, түүнд дэмжлэг үзүүлэхийг НҮБ-ын Ерөнхий нарийн бичгийн дарга болон НҮБ-ын холбогдох байгууллагаас хүсэв.

Мөн Монгол Улсын цөмийн зэвсэггүй статусын тухай тунхаглалуудадцөмийн зэвсэгтэй таван гүрэнболох(АНУ, ИБУИНВУ, БНХАУ, ОХУ,ФРАНЦ) болон Монгол улс 2012 онд гарын үсэг зурсныг НҮБ-ын Ерөнхий ассамблейн тогтоолоор дахин сайшаасан нь чухал байв.

Манай улсаас санаачилсан дээрх тогтоолд Австри, Австрали, АНУ, Ибуинву, Индонези, Ирланд, Бнхау, Казахстан, Кыргызстан, Узбекистан, ОХУ, Франц, Мексик, Морокко, Монтенегро улс хамтран зохиогчоор оролцов.