Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

2009-2014 оны хооронд монгол улсад хэрэгжсэн төслүүдийн үр дүнг дүгнэлээ

2009-2014 оны хооронд монгол улсад хэрэгжсэн төслүүдийн үр дүнг дүгнэлээ

Цөмийн энергийн газрын дарга Н.Тэгшбаярын урилгаар энэ сарын 19-22-ний өдрүүдэд Монгол Улсад айлчлал хийж буй Олон Улсын Атомын Энергийн Агентлаг (ОУАЭА)-ийн Техникийн хамтын ажиллагааны газрын Ази, Номхон далайн бүсийн нэгдүгээр хэлтсийн дарга О.Акуна өнөөдөр Цөмийн энергийн газрын дарга Н.Тэгшбаяр, Гадаад харилцааны яамны Олон улсын байгууллагын газрын захирал Г.Ганболд, тусгай үүрэг гүйцэтгэгч Элчин сайд Ж.Энхсайхан нартай уулзаж, хамтын ажиллагааны талаар санал солилцов.
 
Уулзалтаар талууд Монгол Улс, ОУАЭА хоорондын хамтын ажиллагааны 2009-2014 оны хөтөлбөрийн хүрээнд хийж гүйцэтгэсэн ажил, тухайлбал анагаах ухаан, хүнс хөдөө аж ахуйн салбарт хэрэгжсэн төслийн үр дүнг дүгнэсэн юм.
 
Мөн Монгол Улсын цөмийн зэвсгээс ангид байх статус, ОУАЭА-ийн цөмийн баталгааны талаар авч хэрэгжүүлж байгаа арга хэмжээний талаар санал солилцлоо.
 
Гадаад харилцаа олон нийттэй харилцах хэлтэс