Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Цацраг хэмжигч “ухаалаг” төхөөрөмж гардууллаа

 
Дэлхий нийтийн хөгжилтэй хөл нийлүүлэн алхахын хэрээр манай улс сүүлийн үеийн дэвшилтэт технологиудыг нэвтрүүлсээр байна. Үүнийг бид "ухаалаг" хэмээн нэрлэсээр удаж буй. Өнөөдөр цөмийн энергийн салбарт цацраг хэмжигч ухаалаг төхөөрөмж нэвтрүүлсэн үйл явдал боллоо. DoseRAE 2 хэмээх энэхүү ухаалаг багажтай болсноор цацрагтай ажиллагч хэр хэмжээний тун авч байгааг шууд мэдэх давуу талтай. Хуучин хэрэглэж байсан цацраг хэмжигч буюу дозиметр нь цацрагтай ажиллагч хэр хэмжээний цацрагийн тун авч байгаагаа лабораторид хэмжүүлсний дараа мэдэх боломжтой байсан нь ийнхүү хэрэглэхэд хялбар, цаг хугацаа хэмнэсэн, эрсдэлийг багасгах ач холбогдолтой болж байгаа юм.
 
 
Энэхүү төхөөрөмжийг Цөмийн энергийн газраас Онцгой байдлын ерөнхий газар, Цагдаагийн ерөнхий газар, Тагнуулын ерөнхий газар, Зэвсэгт хүчний жанжин штаб, Хавдар судлалын үндэсний төв, Улсын нэгдүгээр төв эмнэлэгийн Цөмийн онош зүйн тасаг, МУИС-ийн Цөмийн судалгааны төв, МУИС-ийн Шинжлэх ухааны сургууль, Шүүхийн шинжилгээний хүрээлэн, Мал эмнэлгийн үндэсний хүрээлэн, Мал эмнэлэг ариун цэврийн төв лаборатори, Төрийн бус байгууллагуудын зарим төлөөллүүдэд гардууллаа. Эдгээр байгууллагууд дээрх электрон цацраг хэмжигчийг ашиглахдаа Цөмийн энергийн газрын цацрагийн хяналтын шинжилгээ тохируулгын лабораторид баталгаажуулж ашиглах юм байна.
 
Б.Жавхлан