Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Аж үйлдвэрийн салбарт ашиглаж байгаа цөмийн технологийн хэрэглээ

Аж үйлдвэрийн салбарт ашиглаж байгаа цөмийн технологийн хэрэглээ

Цөмийн энергийн газар, Монголын үндэсний олон нийтийн радиотой хамтран “Цөмийн технологи-Бидний хэрэглээ” цуврал нэвтрүүлгийг радио сонсогчиддоо зориулан хүргэж байгаа билээ.
 
Цуврал нэвтрүүлгийн хоёр дахь дугаарыг аж үйлдвэрийн салбарт дахь цөмийн технологийн хэрэглээ гэсэн сэдвийг онцлон бэлтгэсэн байна. Тус нэвтрүүлэг энэ сарын 14-ны 13 цаг 45 минутад радио сонсогчдод хүрнэ.
 
Нэвтрүүлэгт танин мэдэхүйн мэдээлэл, аж үйлдвэрийн салбарт ашиглаж байгаа цөмийн технологийн хэрэглээнд тавьж байгаа хяналт болон аж ахуй нэгж байгууллагууд хэрхэн үйлдвэрлэлдээ цөмийн технологи нэвтрүүлж буй талаар мэдээ мэдээллүүд багтсан бөгөөд холбогдох төрийн байгууллагын байцаагч, мэргэжилтэн, аж ахуй нэгж байгууллагын төлөөлөлтэй ярилцсан байна.
 
Дашрамд сонирхуулахад ундаа пивоны үйлдвэрүүд цөмийн технологи ашиглан савны дүүргэлтийг хэмжидэг ажээ. Энэ технологийг Апу ХХК үйлдвэрлэлдээ нэвтрүүлсэн байна.