Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Сургалт

“Эзэнгүй үүсгүүрийг илрүүлэх, аюулгүй болгох нь” сэдэвт сургалт үргэлжилж байна

“Эзэнгүй үүсгүүрийг илрүүлэх, аюулгүй болгох нь” сэдэвт сургалт үргэлжилж байна

Монгол Улсын засгийн газрын тохируулагч агентлаг Цөмийн энергийн газар, АНУ-ын Эрчим хүчний яамтай хамтран Дэлхийн нийтийн аюул заналыг бууруулах санаачлагын хүрээнд “Эзэнгүй үүсгүүрийг илрүүлэх, аюулгүй болгох нь” сэдэвт сургалт энэ сарын 14-нд Рамада зочид буудлын хурлын танхимд эхэлжээ. Сургалт таван өдөр үргэлжлэх бөгөөд АНУ-ын Эрчим хүчний яам, Баруун хойд Номхон далайн үндэсний лаборатори, Лос Алмосын үндэсний лаборатори, Канберра үйлдвэрээс ирсэн багш нар хичээл зааж дадлага, дасгал ажлуудыг хийлгэх юм байна.
 
Сургалтанд ашиглагдсан эзэнгүй үүсгүүрийг илрүүлэх, аюулгүй болгоход ашиглагдах орчин үеийн 15 нэр төрлийн 35 цацрагийн хэмжилтийн багажийг дагалдах хэрэгслийн хамт Цөмийн энергийн газарт үнэ төлбөргүй хүлээлгэн өгчээ.
 
Дашрамд дуулгахад цацрагийн үүсгүүр гэдэг нь Цөмийн энергийн тухай хуульд тодорхойлсоноор Цөмийн төхөөрөмжөөс бусад цацрагийн шарлага үүсгэгч цацраг идэвхт бодис болон ионжуулагч цацраг гаргагч аливаа багаж хэрэгсэл хамаардаг. Тодруулбал: Цацраг идэвхт бодис, изотоп бүхий багаж төхөөрөмж, цөмийн хэмжүүрүүд, эмнэлгийн болон хайгуул, судалгаа шинжилгээний рентгэн аппарат төхөөрөмжүүд, рентгений болон нейтроны генератор гэх мэт.