Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

ПРОФЕССОР Г.ХҮҮХЭНХҮҮ Шинжлэх Ухааны гавьяат зүтгэлтэн цол хүртлээ

ПРОФЕССОР Г.ХҮҮХЭНХҮҮ Шинжлэх Ухааны гавьяат зүтгэлтэн цол хүртлээ

МУИС-ийн харьяа Цөмийн физикийн судалгааны төвийн салбарын эрхлэгч, ЦЭК-ын дэргэдэх Эрдэмтдийн зөвлөлийн гишүүн, Дубна хот дахь ЦШНИ-ийн Эрдмийн зөвлөлийн гишүүн Гончигдоржийн Хүүхэнхүүд Монгол Улсын Ерөнхийлөгчийн зарлигаар шинжлэх ухааны гавьяат зүтгэлтэн цол хүртээлээ.

Профессор Г.Хүүхэнхүү МУИС, ЦШНИ-д багш, эрдэм шинжилгээний ажилтнаар хагас зуун жил ажиллахдаа олон мянган оюутанд нарийн мэргэжлийн хичээл зааж, нейтроны физикийн суурь судалгааны шавь-сургууль үүсгэн байгуулж, олон арван оюутан, магистр, докторын зэргээр суралцагчдыг дагалдуулан сургаж, сургалт-судалгааны 300 гаруй бүтээл туурвин олон улс, гадаад, дотоодын өндөр зэрэглэлийн мэргэжлийн сэтгүүлд хэвлүүлжээ. Түүний судалгааны бүтээлүүд ЦШНИ, Бээжингийн их сургууль болон мэргэжлийн сэтгүүлийн оны шилдгээр олонтаа шалгарсан, бүтээлээс нь гадаадын судлаачид 200 гаруй эшилсэн зэрэг үзүүлэлтээрээ олон улсад өндөр үнэлэгдсэн байдаг.

Профессор Г.Хүүхэнхүү ЦЭК-ын дэргэдэх Эрдэмтдийн зөвлөлийн гишүүн, эрдэм шинжилгээний төслүүдийн шинжээчээр бүтээлчээр ажиллаж, эх орондоо цөмийн технологийг нутагшуулан хөгжүүлэх болон цөмийн салбарын хэрэглээний чиглэлээр олон нийтийн боловсролыг дээлүүлэхэд чиглэсэн цуврал өгүүлэл хэвлүүлж, бидний үйл ажиллагаанд үнэтэй зөвлөгөө өгч байдаг шилдэг эрдэмтэн билээ.

Шинжлэх ухааны гавьяат зүтгэлтэн Г.Хүүхэнхүү Танд урт насалж, улам ихийг бүтээхийн ерөөл дэвшүүлье.

ЦЭК-ын Ажлын алба