Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Төрийн дээд одон, медаль хүртээлээ

Төрийн дээд одон, медаль хүртээлээ

Монгол Улсын Ерөнхийлөгчийн 2018 оны 12 дугаар сарын 26-ны өдрийн 165 дугаар тоот зарлигаар Цөмийн энергийн салбарын ахмад зүтгэлтэн Цөмийн энергийн комиссын Изотоп конторын дарга асан Лхан-Аажавын Тогтохбаярыг Монгол Улсын төрийн дээд “Алтан гадас” одонгоор, мөн өдрийн 165 дугаар тоот тушаалаар Цацрагийн хяналтын лаборатори, Цацрагийн хяналтын албаны дарга асан, ЦЭК-ын дэргэдэх Цацрагийн аюулгүйн зөвлөлийн зөвлөх гишүүн Хайдавын Нямцэрэнг Монгол Улсын төрийн дээд “Хөдөлмөрийн гавьяаны улаан тугийн” одонгоор тус тус шагналаа.

Монгол Улсын хөгжил дэвшилд цөмийн энергийг ашиглах, цөмийн технологийг нэвтрүүлэх, аюулгүй байдлыг хангуулах үйл хэрэгт үнэтэй хувь нэмрээ оруулан цацраг идэвхт хаягдлын менежмент, цацрагийн хяналтын дэд бүтцийн үндэс суурийг тавьсан та бүхэндээ халуун талархал илэрхийлье.   

ЦӨМИЙН ЭНЕРГИЙН КОМИССЫН АЖЛЫН АЛБАНЫ ХАМТ ОЛОН