Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Зарлал

“Реакторын инженер” сэдэвт дагалдах сургалт болно

“Реакторын инженер” сэдэвт дагалдах сургалт болно

Японы атомын энергийн агентлаг (ЯАЭА)-аас жил бүр зохион байгуулдаг “Сургагч багш бэлтгэх” хөтөлбөрийн хүрээнд “Реакторын инженер” дагалдах сургалтыг ЯАЭА болон Шинжлэх ухаан технологийн их сургуультай хамтран 2019 оны 01 дүгээр сарын 07-18-ны өдрүүдэд Улаанбаатар хотноо зохион байгуулна.

“Сургагч багш бэлтгэх” хөтөлбөрт Бангладеш, Индонез, Казакстан, Малайз, Филиппин, Тайланд, Вьетнам, Монгол зэрэг Азийн 8 орны эрдэмтэд, судлаачид хамрагдан сургалтаар олж авсан мэдлэгтээ тулгуурлан өөрийн улсад дагалдах сургалтыг зохион байгуулах замаар мэргэшсэн мэргэжилтэн бэлтгэх, чадавхыг дээшлүүлэх, хүн амыг зохих мэдээллээр хангах бие даасан тогтвортой сургалтын тогтолцоог хөгжүүлэхэд оршино.

Сургалтын хөтөлбөрт цөмийн технологийн хэрэглээ, судалгааны реактор, цөмийн эрчим хүч, цөмийн реакторын физик, реакторын кинетик, дулаан болон гидравликийн процесс, ураны олборлолт, баяжуулалт, цацрагийн хамгаалалт, материал судлал болон бусад сэдвүүд багтсан болно.

Уг сургалтаар мэргэжлийн сертифекат олгох бөгөөд багш, оюутан, судлаач, мэргэжилтэн та бүхнийг оролцохыг урьж байна.

Бүртгэл: e.battsetseg@nea.gov.mn  хаягаар болон 99159953, 6226-3159 утсаар холбогдон 2019 оны 01 сарын 04-ний өдөр хүртэл мэдээллээ ирүүлнэ үү. Хүний тоо хязгаартай.