Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

“Цөмийн технологи-аж үйлдвэрт” сэдэвт эссэ бичлэгийн уралдааны дүн гарлаа

“Цөмийн технологи-аж үйлдвэрт” сэдэвт эссэ бичлэгийн уралдааны дүн гарлаа

Цөмийн энергийн комиссын Ажлын албанаас дунд сургуулийн сурагчдын дунд бие даан бүтээлчээр эрэлхийлэн  судалж,  мэдлэгээ өргөжүүлэн гүнзгийрүүлж, шинжлэх ухаан технологийг судлах хүсэл сонирхолтой болгох зорилгоор зохион байгуулсан “Цөмийн технологи-Аж үйлдвэрт” сэдэвт эссэ бичлэгийн уралдаан амжилттай өндөрлөв.   

Тус уралдааны “Тэргүүн” байранд ЕБС 23 дугаар сургуулийн 10г ангийн сурагч Г.Номин-Эрдэнэ, “Дэд” байранд Баянхонгор аймгийн Номгон ахлах сургуулийн 10в ангийн сурагч  Б.Номин-Эрдэнэ, “Гутгаар”  байранд ЕБС 23 дугаар сургуулийн 10г ангийн сурагч Г.Номин нар тус тус шалгарсан. Түүнчлэн,  Ерөнхий боловсролийн 23 дугаар сургуулийн 11г ангийн сурагч Б.Номун, 12а ангийн сурагч Г.Амарсанаа, тус уралдаанд сургуулийнхаа сурагчдыг идэвхтэй оролцуулсан физикийн багш Б.Шижиртуяа нарт тусгай шагнал  олгов.

Шагналыг Олон улсын атомын энергийн агентлаг (ОУАЭА)-ийн Техникийн хамтын ажиллагааны MON0012 төслийн “Монгол Улсын цөмийн физик, технологийн салбарын хүний нөөц, чадавхыг хөгжүүлэх” зорилтын хүрээнд Улаанбаатар хотноо хүрэлцэн ирж ажиллаж байгаа ОУАЭА-ийн мэдлэгийн менежментийн ахлах мэргэжилтэн Осзвальд Глюкер гардууллаа.

Эрдмийн цагаан мөр дардан байх болтугай