БНСУ-ын Засгийн Газрын Эдийн Засгийн Хөгжлийн Хамтын Ажиллагааны Сан (ЭЗХХАС)-гийн хөнгөлөлттэй зээлээр хэрэгжиж буй МОН-8 төслийн хүрээнд Солонгосын Олон Улсын Эрүүл Мэндийн Сан (СОУЭМС)-гийн буцалтгүй тусламжаар Үндэсний оношилгоо, эмчилгээний төвийн Изотоп үйлдвэрлэх тасгийн Циклотроны тасагт ажиллах дараах 5 мэргэжилтнийг сургалтад хамруулах нээлттэй сонгон шалгаруулалтыг зарлаж байна. (2018-07-19 08:03:00)

Мэдээ

ЦӨМИЙН БОЛОН ЦАЦРАГИЙН БОЛЗОШГҮЙ ОСЛЫН ҮЕД ХАРИУ АРГА ХЭМЖЭЭ АВАХ, БЭЛЭН БАЙДЛЫГ ХАНГАХ ҮЗҮҮЛЭХ СУРГУУЛИЛТ БОЛЛОО

 ЦӨМИЙН БОЛОН ЦАЦРАГИЙН БОЛЗОШГҮЙ ОСЛЫН ҮЕД ХАРИУ АРГА ХЭМЖЭЭ АВАХ, БЭЛЭН БАЙДЛЫГ ХАНГАХ ҮЗҮҮЛЭХ СУРГУУЛИЛТ БОЛЛОО

Зэвсэгт хүчний жанжин штабаас Зэвсэгт хүчний хими, биологи, цацрагийн ангийн сургалтын талбайд цөмийн болон цацрагийн болзошгүй ослын бэлэн байдал, ослын хариу арга хэмжээний үзүүлэх сургуулилт 2018 оны 04 дүгээр сарын 11-ний өдөр зохион байгууллаа. Сургуулилтад Цөмийн энергийн комиссын Ажлын алба, Онцгой байдлын ерөнхий газар, Нийслэлийн мэргэжлийн хяналтын газрын албан хаагчид оролцож, туршлага судаллаа.

Тус үзүүлэх сургуулилтаар цөмийн болон цацрагийн ослын цагийн байдлыг тагнах, ослын бүсийг тогтоох, гадаад орчны цацрагийн тунг хэмжих, агаар, хөрс, ус, тунадас тоосонцорын дээж авах, мэдээллийг шуурхай дамжуулах, цацрагийн идэвхжил сулруулалт хийх, хариу арга хэмжээ авах, ажиллагаанд оролцож буй албан хаагчдын цацрагийн хамгаалалт аюулгүй байдлыг хангуулах, албан хаагч болон тоног төхөөрөмж, техник хэрэгслийн цацрагийн бохирдолыг арилгах зэрэг дасгал сургуулилтыг хийсэн.

Энэхүү үзүүлэх сургалт нь цөмийн болон цацрагийн ослоос сэргийлэх, бэлэн байдлыг хангах хариу арга хэмжээний үндэсний төлөвлөгөөг боловсруулахад чухал ач холбогдолтой юм.