Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Монгол Улсын Цөмийн энергийн комисс болон Оросын Холбооны Улсын атомын энергийн “Росатом” улсын корпораци хооронд харилцан ойлголцлын санамж бичиг байгууллаа

Монгол Улсын Цөмийн энергийн комисс болон Оросын Холбооны Улсын атомын энергийн “Росатом” улсын корпораци хооронд харилцан ойлголцлын санамж бичиг байгууллаа

ОХУ-ын Москва хотноо 2018 оны 02 дугаар сарын 28-ны өдөр хуралдсан Монгол Улс, Оросын Холбооны Улсын Засгийн газар хоорондын Худалдаа, эдийн засаг, шинжлэх ухаан, техникийн хамтын ажиллагааны комиссын 21 дүгээр хуралдааны үеэр Монгол Улсын Цөмийн энергийн комисс, ОХУ-ын атомын энергийн “Росатом” улсын корпораци хооронд Монгол Улсад Цөмийн шинжлэх ухаан, технологийн төв (ЦШУТТ) байгуулахад хамтран ажиллах тухай харилцан ойлголцлын санамж бичиг байгууллаа.

Санамж бичигт Монгол Улсын Засгийн газрыг төлөөлж Цөмийн энергийн комиссын нарийн бичгийн дарга Г.Манлайжав, Оросын Холбооны Улсын талаас атомын энергийн “Росатом” улсын корпорацийн ерөнхий захирлын орлогч Н.Спасский нар гарын үсэг зурав.

Тус санамж бичигт тусгаснаар цөмийн энергийг энхийн зорилгоор ашиглах, Монгол Улсад ЦШУТТ байгуулах төсөл боловсруулах чиглэлээр хамтран ажиллах зорилготой бөгөөд оросын мэргэжилтнүүдийн оролцоотойгоор ЦШУТТ-ийн урьдчилсан шаардлага, зориулалт, холбогдох байгууламжуудын бүтэц, зохион байгуулалт, манай улсын хэрэгцээнд нийцэх суурь төхөөрөмж-хурдасгуурыг тодорхойлох юм. Түүнчлэн ЦШУТТ байгуулах төслийг хэрэгжүүлэх урьдчилсан замын зураглал боловсруулна. Хамтын ажиллагааны чиглэл, цар хүрээг тодорхойлох үүднээс хоёр талын мэргэшсэн шинжээчдийн уулзалт зохион байгуулж, ажлын хэсэг байгуулж ажиллахаар төлөвлөж байна.