Нэг. Мэргэшлийн шалгалтын зорилго. Цөмийн энергийн комиссын ажлын албаны төрийн жинхэнэ  албан тушаалын сул орон тоог анх орох  иргэдээс өрсөлдүүлэн шалгаруулж  нөхөхөд  төрийн албаны мэргэшлийн шалгалтын зорилго оршино. “Төрийн жинхэнэ албаны мэргэшлийн шалгалт авах журам”, “Төрийн жинхэнэ албан тушаалд анх орох иргэний нөөцийг бүрдүүлэх журам”-ыг Төрийн албаны зөвлөлийн www.csc.gov.mn гэсэн цахим хуудсанд тавьсан бөгөөд бүртгүүлэх иргэд энэхүү журамтай заавал танилцсан байна. (2018-12-07 03:38:00)

Мэдээ

Цөмийн энергийн комиссын дэргэдэх Эрдэмтдийн зөвлөл хуралдлаа

Цөмийн энергийн комиссын дэргэдэх Эрдэмтдийн зөвлөл хуралдлаа

Монгол Улсын хэмжээнд цацраг идэвхт ашигт малтмал болон цөмийн энергийг энхийн зорилгоор ашиглах, орчин үеийн дэвшилтэт цөмийн технологийг нэвтрүүлэхэд Цөмийн энергийн комиссоос хэрэгжүүлж байгаа үйл ажиллагаанд мэргэжил, арга зүйн зөвлөгөө, дэмжлэг, туслалцаа үзүүлэх зорилго бүхий Эрдэмтдийн зөвлөлийн хурал 2017 оны 12 дугаар сарын 12-ны өдөр тус Ажлын албаны байранд болж өнгөрлөө.

            Эрдэмтдийн зөвлөлийн бүрэлдэхүүнд Чингис хааны одонт академич П.Очирбат, академич Х.Намсрай нар болон академич Ц.Баатар, профессор Г.Хүүхэнхүү, профессор С.Даваа, зөвлөх инженер О.Чулуун, доктор Б.Нэргүй, Д.Төмөртогоо З.Ганбаатар зэрэг цөмийн физик, технологи, геологи, уул уурхай, байгаль орчин, хууль эрх зүй, эдийн засгийн чиглэлээр мэргэшсэн эрдэмтэд байдаг. Хуралдаанд зөвлөлийн гишүүдээс гадна Цөмийн энергийн комиссын Ажлын албаны удирдлагууд оролцлоо.

            Хурлаар Монгол Улсын “Цөмийн энергийн салбарын хөгжлийн дунд хугацааны үйл ажиллагааны төлөвлөгөө (2018-2022)” болон цацраг идэвхт ашигт малтмал, цөмийн энергийг ашиглах бэлтгэл ажилтай холбоотой технологи нэвтрүүлэх, судалгаа-боловсруулалтын чиглэлээр 3 асуудал хэлэлцэж, Цөмийн энергийн комисс болон комиссын Ажлын албанд хандсан зөвлөмжүүд гарсан.